മഴ ഉത്സവമാകുന്നത് മഴത്തുള്ളികള്ക്കുമാത്രമാണ് !
ഉയിരാവിയായ് പറന്ന് എങ്ങോ പിറന്നെവിടെയോ പൊഴിയുന്നവര്
ഉറവകള് തുറപ്പോര്, നെഞ്ചിലൊരു കടലുകാക്കുന്നവര്
മഴത്തുള്ളികള് അവര്ക്കുന്മാദമൂര്ച്ഛയാകുന്നൂ മഴ.
വിണ്ണില് കലര്ന്നും തമ്മില് വളര്ന്നും
പിന്നെ പിളര്ന്നും തെളിഞ്ഞും
കാറ്റിന് കൈവഴികളില് ചരിഞ്ഞും
മണ്ണിലേക്കവസാന ശ്വാസമാര്ന്നും
മഴത്തുള്ളികള് - അവര്ക്കുത്സവമൂര്ദ്ധന്യമാകുന്നൂ മഴ.
skip to main |
skip to sidebar
Count
5 comments:
മഴ ഉത്സവമാകുന്നത് മഴത്തുള്ളികള്ക്കുമാത്രമാണ് !
മഴത്തുള്ളികള്ക്ക് മാത്രമാണോ... ? മണ്ണിനും വിണ്ണിനും മനുഷ്യനും ഉത്സാഹമല്ലേ മഴ... (എപ്പോഴും അങ്ങനെയല്ലങ്കിലും).
ഇഷ്ടമായി ഈ നുറുങ്ങു കവിത.
:)
മഴ ഉത്സവമാകുന്നത് മഴത്തുള്ളികള്ക്ക് മാത്രമല്ല :) മഴ മഴത്തുള്ളിക്കും മറ്റെല്ലാവര്ക്കും ഇഷ്ടമാണ്. ഇത്തിരി പറഞ്ഞത് വളരെ ശരി.
ഇത്തിരിവെട്ടം, വേറേയനവധിയുത്സവങ്ങളുള്ള മണ്ണിനേയും വിണ്ണിനേക്കാളും മഴ മഴത്തുള്ളികളുടെ സ്വന്തം ഉത്സവമല്ലേ... മനുഷ്യനാണെങ്കില് ആദ്യത്തെ മൂന്ന് മഴയും വെയിലും കഴിഞ്ഞാല് പിന്നെയെല്ലാം നശിച്ച മഴയും നശിച്ച വെയിലുമാണ്... ഇഷ്ടപ്പെട്ടുവെന്നതില് സന്തോഷം...
ഇട്ടിമാളൂ, :))
മഴത്തുള്ളീ: മേല്പറഞ്ഞൊരു രീതിയില് ചുമ്മാ ചിന്തിച്ചുനോക്കിയെന്നേയുള്ളൂ.. ;)
Post a Comment